Version 24.09.2024
Vom Schicksal eines alten Turms
Der alte Turm do bei der Kahnfahrt
Hot so manches schon erlebt,
dös war doch o dem Brecht sei Gei,
do hot der Turm wohl manchmol bebt..............
dann stand er viele Jahre friedlich,
idyllisch – fascht antik –
bis so a Gsellschaft gsagt hot:
„den mach’ mer mehr publik“.
An Batza Geld ham’s schnell beinandg’habt,
d’Sparkass’ hot den schpendiert;
doch dann ham viele g’rätselt,
was do bald des Türmle ziert:
Erscht ham’s a G’rüscht baut und dann no oins
Aus lauter feschte Eisastang’,
des oine ham’s dann abbaut,
des ander bleibt wohl lang..........
Ma’ hot zwar g’hört, dass des a Trepp’ isch,
doch i glob’ do net dra’ ---
des isch a Schpezial-Dauer-G’rüscht,
des stehableiba ka’.....
und wenn am Türmle was kaputt isch,
dann richtet ma’s sofort,
dann braucht ma’ koi nei’s G’rüscht mehr,
denn do steht ja scho oins dort!
ausgedacht im Januar 2009
© 2011
